Keto bay tin bon comentario riba caredanan di Barcadera Nights

ORANJESTAD (AAN):  Manera cu ya a menciona den e edicion anterior, bo Matutino DIARIO cu si ta cubri actividad nan di motorsport,

cu grato placer ta trece awe un tiki mas di e anochi, cu a carga e nomber di Barcadera Nights riba Palo Marga.

   Riba e anochi aki, cada momento tabata yega cu algo pa e gran publico amante di Motorsport cu sea tabata presente of esnan cu pa un motibo of otro mester a sigui’e via Social Media.

   Si no tabatin pustamento ariba pista, tabatin show di drifting, tanto cu auto of cu brommer of tabatin personal challenge di varios coredo contra otro y te hasta tabatin un challenge pa e best tuner.

   Cu poco palabra, e gran publico a goza y a disfruta pa loke nan a paga pe. Diahuebs den DIARIO su pagina di Speedworld, lo bini cu e atraccion unico cu a worde presenta, cual tabata esunnan di e mucha chikitonan cu a pusta y cu sigur a pone un stempel pa futuro coredornan den drag.