ORANJESTAD(AAN): Diabierna a tuma lugar un tremendo wega den Baseball Double A entre Braves y NBO Heat, unda cu Braves a tuma revancha despues di a perde e prome wega contra Heat.
Publico presente a wak un bunita wega preta cu nan final a caba cu e score di 2-0 pa Braves, cu ta sigui bon den e lucha pa bay playoffs.
Pitcher ganador tabata Danniree Tromp kende a tira e wega completo y a permiti apenas 4 hit.
Di otro banda Reinald Silberie tabata pitcher perdedor.
Mihor bateadornan pa NBO Heat tabata Alejandro Claro 2-1 y Clayder Polanco 4-1.
Pa Braves e mihor bateadornan tabata Jose Baez 3-2, Angelo Webb 4-1 y Giovanni Lane 5-1.
