Minister di Deporte ta invita comunidad pa bin apoya hoben y muchanan durante Weganan Escolar 2023

ORANJESTAD (AAN): Dia 26 di mei binidero tin e gran apertura di Weganan Escolar 2023.

Ministerio di Deporte y IBiSA ta invita pueblo di Aruba pa bin apoya nos mucha- y hobennan pa e evento deportivo aki na Compleho Frans Figaroa, cuminsando for di 5:30 di atardi te cu 8:30 di anochi.

             Un competencia deportivo entre e scolnan di Aruba durante dos siman largo, di 26 di mei te cu 10 di juni. Cu un total di 975 alumno di 45 scol di Aruba compitiendo den shete (7) diferente disciplina, esta badminton, functional fitness, volleyball, basketball, futbol, beach tennis y baile deportivo.

            Minister di Enseñansa y Deporte Endy Croes ta invita henter pueblo di Aruba pa bin apoya nos hoben- y muchanan den e gran evento deportivo aki.