Bushiri Karting Speedway a haya bishita oficial di Mr. Jean-Robert Chaubadindegui

ORANJESTAD (AAN) -  Recientemente Bushiri Karting Speedway a haya e bishita oficial di Mr. Jean-Robert Chaubadindegui, Director di Sodi Kart Latin America, un di e  fabricanan di Go Karts mas grandi mundialmente.

E bishita tabata pa cera conoci cu e pista y finaliza e ultimo detayenan pa e order di e new GoKarts cu nan  lo ricibi pronto, cu ta e new models RT10, top of the line di Sodi Karts Rentals.

Alaves Mr. Jean-Robert tambe a duna e oficial welcome pa e drivernan di Aruba cu a califica pa e Finals SWS (Sodi World Finals). Un total di 7 pilotos cu ta bay representa Bushiri Karting- Aruba na SLOVAKIA next July 5th till 8th den e campeonato grandi aki, cu ta conta cu mas di 300 drivers di 80 Pais, cu a bataya durante e aña di 2022 pa por califica.

Pa locual ta Aruba, ta bay tin 2 drivers pa Sprint Category, 1 driver pa Junior Category pa prome biaha y 4 drivers pa Endurance Category cu ta forma un team.

Cu e yegada di  e  karts nobo y e  inspection di Bushiri su pista, SODI ta full on pa organisa y promove e Prome Continental SWS (Sodi World Series) Championship otro aña aki na Aruba. Esey ta nifica cu Aruba ta bay host tur e top drivers di Latin America, Mexico, Caribe, Canada y USA pa competi y haya su chance pa ta den e Final Mundial na 2024.

Bushiri Karting ta hopi proud di e gran logro aki.