Medaya di Oro y Plata na Curaçao pa jinete y amazona di Aruba

Competencianan di Paso Fino

ORANJESTAD (AAN): Den fin di siman cu a pasa, specificamente riba Diadomingo, un total di 3 participante di Aruba a competi den “Inter Curaçao”, cu ta un competencia di Equitacion huzga pa hues di Republica Dominicana y Colombia.

   Aruba su amazona Sheyxienne Geerman, den su debut na Curaçao, a logra medaya di Plata riba e cabay Polvo Robado den categoria di 9 pa 11 aña.

   Zachary Coffie a gana medalla di Oro den categoria di 15 pa 17 aña riba ehemplar Suavidad de la Siberia.

  Caitlin Ras den categoria amazonas 25+ tambe a conkista medalla di Oro riba Polvo Robado. Caitlin a bolbe pista despues di un ausencia cu un bunita presentacion. Organizacion Caballista Arubano ta manda palabra di pabien na nos atletanan y nos ta orguyoso di boso.