Sumamente exitoso tabata e WEB Walk & Run 2025

ORANJESTAD (AAN): Riba Diadomingo 31 di Augustus for di prome cu solo a sali,

cantidad di boluntario tabata presente pa atende e WEB Walk & Run 2025 patrocina pa WEB Aruba NV.

   Pa e Walk & Run di 5 kilometer, ya for di 5’or di marduga caba e participantenan a cuminza yega na tereno di WEB na Balashi.  A cuminza cu zoomba prome cu e start di cana y coremento pa 6:00 am.

   E hobennan cu a participa na e Youth Run di 3 kilometer tambe a cuminza yega banda di 5’or.  Un Bus a transporta e coredornan hoben aki pa nan comienzo cu ta cerca di e Rotonde di Green Corridor na Pos Chiquito.

   E muchanan pa e Kids Run di 1,5 kilometer, a cuminza yega poco despues di 6’or.  Busnan a transporta e muchanan pa e cruzada di Malohistraat y Mangel Halto.

   E muchanan cu a participa na careda di 800 meter, 400 meter, y 200 meter a yega tambe despues.

   E corementonan a socede principalmente den area di Pos Chiquito y Mangel Halto.  Tabatin hopi hende banda di caminda pa apoya e atletanan grandi y chikito.

   Na final a duna medaya pa ganadornan, y premio pa e mihornan, anto adulto, hoben, y mucha.