Bunita apertura di Pre-Campeonato di SV Britannia Damas 2025

ORANJESTAD (AAN): E conocido Addonsito Croes a fungi como maestro di ceremonia, na e apertura di Torneo di Futbol Damas,

conoci como “Copa Sharin Gomez/Tineke Jansen 2025”.

   E apertura a tuma lugar den fin di siman na Compleho Franklyn Bareño na Piedra Plat.

   Himno di Aruba tabata canta pa e talentoso Thyara Doornkamp di Magic FM y di SV Britannia.  E prome wega tabata entre SV Britannia y SV Estrella. E wega a finaliza cu score di 5-1 pa Britannia.

   Addonsito Croes a felicita coach Jean Pierre Fingal y ful team di SV Britannia cu un bunita apertura y pa e invitacion como e MC.

   E dos ganadornan di e premio di publico tabata Aiden y Zizi. Ta invita tur fanaticada pa apoya tur team cu lo ta compitiendo e siguiente 3 simannan.