Jeon y Minister Endy Croes a train cu Seleccion Nacional di Aruba

ORANJESTAD (AAN): Durante entrenamento di seleccion nacional di Aruba, nan a ricibi bishita special di artista local y internacional, Jeon,

como tambe di Minister di Deporte, Endy Croes na Stadion Guillermo Prospero Trinidad.

Jeon y Minister Croes a bisti nan uniform, cla pa entrena cu e hungadornan. E hungadornan a haya oportunidad pa combersa un rato y saca potret cu Jeon y Minister Croes, pa despues sigui cu nan entrenamento.

Seleccion di Aruba lo enfrenta  diasabra awo, 8 di juni, Seleccion di Corsou den FIFA World Cup Qualifiers. Pueblo di Aruba ta invita pa apoya nos Seleccion Masculino di Futbol diasabra awo, cuminsando 8'or di anochi den Compleho Deportivo Guillermo Prospero Trinidad.