Competencia Weganan Escolar
ORANJESTAD (AAN): Palabra di pabien ta bay na e team femenino di Volleyball, di Colegio Nigel Matthew na San Nicolas, cu a sali campeon den e Competencia di Weganan Escolar.
Rectorado y demas staf y personal, y studiantenan di Colegio Nigel Matthew ta orguyoso di e team campeon, cu ta consisti di Amariënn Thomas (Klas H5), Andrea Contreras (H5), Nayah Whitfield (H4), Elissa Cen (H4), M’belly Janga (H4), Mirieany v.d. Linden (H4), Chloe de Vries (H4), Isabella Casafus (H12), y Shadae Muller (H3).
A compronde e animo di e alumnonan ta basta halto, como cu e team di Volleyball Masculino tambe a titula campeon den Competencia WE.
