Hopi interes pa e mundo di coleccionista di Hot Wheels na Biblioteca

ORANJESTAD (AAN): Diasabra anochi, Biblioteca Nacional Aruba den Madurostraat tabata rand rand di personanan cu kier a disfruta di e bunita presentacion aki, di e colecionistanan di autonan di Hot Wheels.

   Ultimo tempo por a lesa ariba medionan internacional, con e coleccionistanan grandi di Hot Wheels, tabata bende algun di autonan aki, na 600, 700 y te hasta 1.500 Dollar pa un.

   Diasabra anochi, Hot Wheels Aruba a presenta un ‘Show & Trade’ den Biblioteca, y e atraccion principal tabata Dragrace Match.

   Den e show aki cu a tuma lugar na Biblioteca, nos por a mira con tin di colecionistanan local, a presenta cu autonan di 600 Florin pa un auto. Riba e anochi aki tambe, señora Patrick Geerman di Easy Party Solution, a presenta un pista, caminda cu esnan presente, por a disfruta di poco careda di Hot Wheels, na ordo di dia.