Ambiente di softball na Aruba Juniors cu Torneo di Himno y Bandera 2023

ORANJESTAD (AAN):  Diadomingo cu a pasa a inicia e Torneo Himno y Bandera 2023 organisa pa Sportvereniging Aruba Juniors.

            E torneo ta clausura e weekend di 18 y 19 di maart 2023 cu participación di Los Amigos di Corsou y Stars di Bonaire.

            Aruba lo ta representa pa 4 ekipo cu ta hungando pa clasifica pa e gran weekend final. E prome siman tabatin 4 wega bon bataya unda cu den e prome wega Glovers ta gana Surprise 7-0. E di dos wega tabata entre Bambino y Astros. Astros a bin gana e wega cu score di 9 pa 2. Aruba Juniors ta gana Jani’s 8 pa 3 den e di tres wega y clausurando e atardi Boomerang ta sorprende Tigers cu score di 7 pa 3. 

            Diadomingo awo 5 di maart tin 4 wega programa cuminsando 9:30 mainta. E prome wega lo bay entre Bambino y Boomerang sigui pa Glovers contra Jani’s pa 11:15. E rivalnan Astros y Tigers lo topa otro pa 1or.

            E wega aki lo ta un interesante pa clasificación. Den e ultimo wega Surprise lo enfrenta e team di cas Aruba Juniors. Tur amante di softball 60 plus ta cordialmente invita pa bin apoya e streanan di antes.