Grupo nobo di ‘Gonz Riders’ a wordo lanza pa Aruba

ORANJESTAD (AAN): Den e Café cu tin na Checkpoint Color den Columbustraat a tuma lugar un conferencia di prensa, unda a lanza un Biker Club nobo pa e isla.

   Ta trata aki di “Gonz Riders”.  Gonz ta un abreviacion di e nomber pa e parha nacional Gonzalito, ruman di e Trupial. E nomber a nace debi cu a scucha e parha aki canta pa varios aña sin por a wak e. Ta despues di 3 aña a logra mire y un paar di e coredornan kier a lanta un grupo nobo y un persona diripiente a puntra “Di con no Gonzalito?” tabata hopi factor no casualidad, y pa e mundo di motorcycle e “afkorting ta zona mas though.

   Di con un otro club? Na Aruba nos ta mas cu 600 bikers y tin espacio semper pa crea grupo y famia nobo den nan propio neishi y alfin nos tur club of grupo ta core hunto:

   Un di e metanan di Gonz Riders ta pa crea mas ride diferente, trece alegria, yuda comunidad, duna bikers oportunidad pa participa na actividadnan recreativo manera Rides, Actividad fuera di Ride, Actividad pa famia y amigonan.

   President di Gonz Riders ta Derick Kock.  Vice-President ta Jerusha Arends-Kock.  Tesorero ta Diana Celaire-Wolthuis.  Segundo Tesorero ta Roshaline Schwengle-Rosha.  Secretario ta Brithney Bontekoe.

   Miembronan ta Magalie Curiel,  Clarence de Cuba, Leyla de Cuba-Rasmijn, Shelly Thiel, y Marvelin Ras.

    Ya caba riba nan programa tin algun Rides planea, e.o. “Geixi’s 3rd School Project Ride” pa recauda fondo dia 25 di Juni 2023.  “Light it up X-mas ride” pa dia 2 December 2023, cual ta un ride manera un parada di luz di bikers full dorna na Tema di Pasco.