Hopi hende a participa den Turibana Loop

Diadomingo mainta trempan...

ORANJESTAD (AAN): Ya for di Diadomingo marduga banda di 5:00 am tabatin monton di hende na e punto di salida cu ta MFA Noord pa e di 46 edicion di “Turibana Loop”.  Tur hende a yega cu hopi energia, y tabata cla pa cuminza core sea e 10.5 km individual y relay.

   Salida pa careda di 10.5 K a socede exactamente 5:45 am.

   Caredanan pa mucha pa 0.8K, tambe 0.4K, tambe 0.2K a start pa 6:45 am.

   Caredanan pa mucha- y hobennan coriendo 3K y tambe 1.5K a start pa 7:00 am.

   E biaha aki, e careda a atrae un multitud cu tabata mustra di comienzo cu nan ta cla pa e reto aki, y nan a wordo apoya grandemente banda di caminda door di fanaticonan, y tambe algun habitante ainda den nan pijama.  E final mes tambe tabata na MFA Noord, y tur hende a aglomera na final dilanti Warda di Polis.

   E ganadornan principal a bira Luis Duty Kock cu 37:31 y e ta pertenece na Train Hard Race Easy.   E dama ganadora maximo ta Jouraina Koolman-Ras cu 47:29, y e ta pertenece na Pegasus Aruba.

   Palabra di pabien na ambos, y na tur esnan cu a gana den nan categoria.