Dokter Miguel Genser a test atletanan di Taekwondo Team Aruba

ORANJESTAD (AAN): Den fin di siman Dokter Miguel Genser di Chaco Taekwondo Academy

a haci un chekeo medico cu e atletanan di Taekwondo Team Aruba na Cuts & Curves Gym situa na Sero Patrishi cu asistencia di Señora Cindy Wernet.

   Un di e plannan di Taekwondo Team Aruba ta pa controla e atletanan cada cuartal, specialmente nan fysieke bouw cu ta algo cu no por ignora. E preparacion di e atletanan di Taekwondo Team Aruba ta cuminsa for di infantil te cu adulto.

  Dokter Miguel Genser a check nan Statura, Peso, BMI y controla nan Sistema Cardiovascular y tur siman despues  di training ta check nan Peso.

   Algun atleta a haya informacion di kico tur nan mester tene cuenta cune den nan bida normal y pa nan preparacionnan pa nan proximo campeonatonan.