Hopi competencia fuerte durante evento di ‘Kids of Steel’

ORANJESTAD (AAN): Diasabra mainta pa 6.45 am a cuminza e tremendo competencia di Kids of Steel organiza pa Aruba Triathlon Association.

   Esaki a tuma lugar banda di Plaza Turismo na Linear Park.

   Tabatin e biaha aki Categoria Mini Kids y Kids of Steel.  Un cantidad basta grandi di hoben atletanan entre 5-12 aña acompaña pa nan mayoornan tabata presente  for di oranan di marduga.

   Un total di tres disciplina den un solo competencia esta landa, core bicicleta y core na pia. Tabata tin oportunidad pa competi den forma di relay tambe. Na final di e careda e muchanan a ricibi un “goodie bag” den combinacion cu medaya pa esnan cu a cay den premiacion.