Joshua Klaber a gana Brons na Mexico

ORANJESTAD (AAN): Den fin di siman Joshua Klaber a gana medaya di brons na San Luis Potosí La Loma, Mexico na e campeonato di World Taekwondo Open.

   Rumannan Klaber a biaha dia 8 di April pa La Loma, Mexico pa camp training y campeonato. Cornel Djaoen a compaña e muchanan y a saca video di full nan training y competencia. Tur esakinan por mira back na nos Planta Nacional y ariba Facebook Page di Stichting Brazil Taekwondo.

   Jourde Klaber no a yega mas leu cu e prome pelea. Joshua Klaber a gana su prome pelea contra di Mexico y a perde e di dos pelea contra di Panama y a keda cu su medaya di Brons. Nos ta gradici Carlos Rangel di Mexico kende a coach e rumannan Klaber.

   Nan ta felicita Joshua Klaber cu su medaya di Brons. E siman aki training ta sigui na Miami unda cu e rumannan Klaber ta preparando pa nan siguiente campeonato

.