Darren van Ommeren:
ORANJESTAD (AAN)- Den conferencia di prensa, Darren van Ommeren, a duna di conoce cu nan ta preparando pa e evento tan gusta “Funstacle Masters” cu lo tuma lugar Diamars 26 di April aki, y Dia 1 di Mei venidero.
Van Ommeren a menciona cu ocho cushina y e barnan ta completamente surti, y tin mas of menos DJ’s prepara pa henter e fin di siman, y pa loke ta Diamars y Diaranzon lo tin banda y tambe den fin di siman. E entretenimento ta cubri tanto e evento di funstacle como den Bochincha. E entrada ta directamente di Bochincha pasobra e area ta bay wordo cera locual ta safe pa e participantenan tambe, pasobra normalmente tin hende ta staciona riba e tereno aki.
Van Ommeren ta invita henter e pueblo di Aruba pa participa y registra riba funstaclemasters.com. Hacie mas lihe posible. Tur sector por participa y hende individual tambe. “Join nos den e tremendo ambiente aki tanto deportivo, como e ambiente cu Bochincha ta ofrece, cuminzando dia 26 di April”, Darren van Ommeren a conclui.
