Fin di siman aki lo tin competencia 8-Ball Scotch Doubles pa clausura 2021

Competencia di Billiard --- ORANJESTAD (AAN): E fin di siman aki lo tin e reto di mas grandi di Billiard Tagteam pa 2022.

   Na e sede di TT Billiards situa na Tanki Leendert lo tin e “Royal Rumble”.

   DIARIO Deportivo a compronde, cu "El Machette" Angelo Tromp y George de Nobrega, kendenan a titula Campeon di pareha 2020, lo ta candela den e competencia!

   "E Terible di Catiri" Jorge Petrocci den duo cu Armand "Tik Tok" Ridderstap ta simplemente peligroso den e weganan!

   Aruba su dos Campeonnan Panamericano Aaron "The Baron" Franken y "D-Gun" Ditto Acosta ta sali for di "retirement" pa asina mustra un rato ta con ta core rack.

   "Mr. B Ranking" Maikel Maduro ta combina cu "Silent Killer" Patrick Henriquez. Directamente for di Saliña Cerca ta e talentonan di JJ Snack "Super Marc" Farro y Jorzihno "Sumo Wrestler" Everon.

   "Straight out of Sero Colorado" Martin Appeldoorn y "el Presidente" Gunnar Leonardo. "The Mechanic" Robby Nathu y "El Diablo" Juan Ridderstap. "Le Kocks" Duty y "El Puma" Ryan.

   Otro pareha hoben y talentoso ta Didi D'Angelo Odor  y Marlon "Machine" Tromp. "Duo Dinamico" Herbert Burne y Jonathan Maduro. David Brete y Pedro la Rosa "the Barracuda Boys" lo percura pa drama y for di e pais mas grandi den billiard Rodenn y Ariel "Made in Manila" lo defende Filipinas.

   DIARIO a compronde cu tin di tene cuenta tambe cu Roukos Tanoury "El Pequeño Gigante" formando un equipaso.
   Un total di 26 hungador a forma 13 pareha te awor. Solamente tin espacio pa 3 team mas, y por inscribi cerca whatsapp di Jason na 564-4278 of Pasa TT awe mes.