Kibaima Centerville Pie Softball Team a batisa nan uniform

ORANJESTAD  (AAN):  Diadomingo ultimo tabatin bautismo di uniform y  alavez entrega di material di e sponsor nobo di Kibaima 50+.

            Durante un agasaho na cas di e propietarionan di Centerville Pie, esta Mr. Chuck y Mrs. Joan Abdou, rond di pool, Joan a batisa e bunita uniform. Despues Mrs. Joan a hiba palabra y el a desea e team di Kibaima Centerville Pie tur cos bon pa e temporada nobo di 2022.

            Directiva di K.A.S. kier a gradici Chuck & Joan di Centerville Pie pa e confiansa den nan organisacion. Y alavez nan kier a desea tur e hungadornan y nan famia un feliz dianan di fiesta.

            Kibaima Centerville Pie nan prome wega den e uniform nobo lo bay ta dia 15 di Januari 2022, na veld di Madushi Stars.