Evento di volleyball na Colegio San Augustin tabata un exito

ORANJESTAD(AAN): Recientemente Colegio San Augustin y Aruba Volleyball Association(AVA) a

organiza un torneo di volleyball y den un entrevista docente di Educacion Fisico di Colegio San Augustin Patrick Lejuez a splica cu algun siman pasa AVA a acerca e scol pa cuminza duna e muchanan volleyball durante e lesnan di gym.

Durante 4 siman Percy Felipa a duna e muchanan training di volleyball y Diabierna esaki a culmina den un bunita torneo, unda cu tur e klasnan a hunga contra otro.

Lejuez a splica entre otro cu un di e metanan ta pa stimula mas mucha pa sigui activo den deporte y drenta den un equipo di volleyball.

E teamnan ganador a ricibi trofeo, mientras cu e hungadornan a ricibi un medaya.