Exitoso torneo di Setar Tennis Junior Ranking

ORANJESTAD (AAN): E fin di siman cu a pasa a tuma luga e torneo di Setar Tennis Junior Ranking. Un evento cu a uni comunidad di tennis na Aruba.

   E compania nacional di telecomunicacion Setar ta orguyoso di e partnership cu Tennis Aruba, kendenan ta stimula participacion y ta crea oportunidad pa cada hoben desaroya nan talento.

   Den un solo palabra, e Setar Tennis Junior Ranking tabata un exito y tabata un fin di siman fantastico unda hobennan por a demostra nan pasion pa e deporte competiendo contra otro. Por a mira famia y amigonan tambe presente pa apoya tur hungado.

   Setar a splica na DIARIO, cu nan compromiso ta pa sigui inverti den deporte, cu ta un parti importante den e desaroyo di cada hoben. Setar kier a felicita tur participante cu a sobresali y a gana e torneo di luna. Masha pabien!