ORANJESTAD (AAN): Ruthmila Gonzalez, Presidente di Muay Thai Aruba a expresa cu nan ta sumamente contento cu anuncio di Minister di Deporte,
Endy Croes cu porfin Federacionnan di deporte por hala rosea bek como federacion y atletanan, pa motibo cu el a logra pa Lotto pa Deporte keda pa nos deportista y federacionnan.
Gonzalez ta kere cu Minister merece un aplauso grandi pa logra esaki pa deporte di Aruba y ta algo grandi pasobra deporte a sufri hopi den ultimo 8 aña, pero nan a keda positivo y a sigui traha cu loke nan tin, pero mester a wanta hopi cos pasobra no tabatin recursonan pa asina sigui manera mester ta.
Minister di Deporte a priminti federacionnan y el a cumpli cu su promesa dia 1 September 2024, cu nan lo por conta cu e ayudo cu nan mester pa cumpli nan meta e aña aki ainda. Nan tambe kier a gradici esnan cu a yuda y a traha riba esaki hunto cu Minister pa logra algo asina importante y grandi pa nos deportistanan y federacionnan activo y semper ta saca cara y defende nos bandera den deporte di Aruba.
