ORANJESTAD (AAN): Aki por mira e oficial di Aruba, esta Devon Hoge, un referee internacional reconoci pa e Organizacion Mundial di WMF (World Muaythai Federation) cu sede na Thailandia.
Devon aworaki ta dunando Seminario rond den Caribe, y actualmente ta na Republica Dominicana.
Riba e potret aki por mire hunto cu Gavino Diaz, kende ta e presidente di e deporte di Muay Thai na Republica Dominicana. Esaki ta momento cu el a worde presenta na e prensa como e referee oficial cu ta encarga pa e zona di Caribe representando WMF. Un referee sigur cu un bon pia y e unico den Caribe representando un organizacion Thailandes, cu mesun responsabilidad grandi pa tur cos bay manera e mester ta den e deporte di Muay Thai den e region.
Pesey e ta dunando seminario, y e curso ey ta dura un siman asina nan por yega nan nivel. Claro cu orguyo ta mira con un Arubiano cu nivel internacional, ta carga nomber di Aruba asina na halto pa Muay Thai.
DIARIO ta felicita Devon Hoge cu esaki, y kizas lo tin mas informacion na final di e seminario.
