Evento di e 16 edicion di Aruba International Regatta tabata exitoso

ORANJESTAD (AAN): Den e fin di siman cu a pasa a tuma luga e Aruba International Regatta 2026 na Surfside Beach, cu gran participacion di participantenan local y internacional den diferente categoria.

   E compania Setar NV ta conoci di ta un partner strategico di Aruba Regatta Stichting pa loke ta conexion y comunicacion durante e evento y ta contento di sigui aporta na e deporte di Sailing.

   Meta di e Stichting ta pa enfoca specialmente riba nos muchanan y hobennan pa encurasha nan pa participa y sigui crece e siguiente generacion cu ta practica e deporte di Sailing.

   E competencianan di e di 16 edicion di e regata, a tuma lugar riba dianan Diabierna, Diasabra y Diadomingo cu a pasa.  Tabatin participante local, y tambe esnan cu a bin di Bonaire, Corsou, y region pa e evento habri pa tur nivel.  Tabatin tambe lesnan di nabega cu bela duna pa nivel Optimist, SailQube, F11, Beachcats, Sunfish, Laser, Yacht Racing, Yacht Cruising, Yacht Live Aboard, Multihull, y Wingfoil tambe pa e aña aki.  Tambe tabatin un careda di Boto Miniatura.

   E potretnan aki pa cortesia di Setar NV.