Construccion a start pa e veld di FIFA Turf na SV Bubali  

ORANJESTAD (AAN): Recientemente a tuma lugar un otro momento Historico, ora cu a tene e ‘groundbreaking’ di e FIFA Forward 7 turf Project na S.V. Bubali.

   Cu e groundbreaking oficial di FIFA Forward 7 Turf Project na S.V. Bubali, e di dos club di futbol di Aruba cu lo ricibi un veld nobo di turf bou di e FIFA Forward Program.

   Funda na 1943, S.V. Bubali ta un di e clubnan di futbol cu mas historia na Aruba y a hunga un papel importante den desaroyo di futbol Arubano pa mas di 83 aña. Cu un legado fuerte di compromiso, dedicacion y desaroyo di talento local, e inversion aki lo fortalece e futuro di e club y lo brinda miho condicionnan pa entrenamento y competencia pa e generacionnan binidero.

   Durante e ceremonia tabata tin representantenan di AVB, FIFA, Directiva di S.V. Bubali, Contratistanan di e proyecto, Minister di Deporte Gerlien Croes, y demas stakeholders cu a reuni pa celebra e logro importante aki pa e club y pa futbol di Aruba.

   E FIFA Forward 7 Turf Project ta representa un di e inversionnnan di infrastructura deportivo di mas grandi den historia di Aruba y FIFA. Ademas, AVB hunto cu FIFA ta sigui demostra e compromiso continuo pa sigui desaroya futbol riba nos isla. Cu cada Groundbreaking, Aruba ta haci un paso mas dilanti rumbo na facilidadnan moderno y di calidad pa nos clubnan y comunidadnan.

   Pabien S.V. Bubali y comunidad di Bubali, cu e momento historico aki. Hunto ta sigui traha pa progreso di Aruba su futbol.  E potretnan aki pa cortesia di Arubaanse Voetbal Bond.