Arco Iris Kleuterschool a trece alumnonan den ambiente di Copa Mundial

ORANJESTAD (AAN): Algun dia prome cu vakantie a cuminza, dirigentenan di Arco Iris Kleuterschool a organiza cu gran exito, un competencia cu nan a titula ‘Copa Arco Iris 2026’.

   E alumnonan di Arco Iris Kleuterschool cu ta situa den Avicenastraat na Playa, a goza di e dushi ambiente di Copa Mundial 2026 na scol, y a bataya deportivamente.

   Hasta Ministro di Enseñanza, Gerlien Croes a pasa haci un bishita pa anima e muchanan.  Ministro a duna palabra di pabien y a expresa su danki na e docentenan!  El a pasa saluda e muchanan tambe, y a saca potret cu nan.  El a duna cada ganador un palabra di pabien.

   E potretnan aki ta pa cortesia di Ministerio di Enseñanza.