Ekiponan di Aruba Bank a participa den e 39 edicion di Aruba International Half Marathon 2025

ORANJESTAD (AAN):  Aruba Bank ta celebrando cu orguyo e participacion excepcional di su dos ekiponan,

Bank Bros Relay y Chinitas DUO, den e 39 edicion di Aruba International Half Marathon 2025.

            E competencia anual tanto anticipa a uni coredonan local y internacional pa un reto excitante di 21.1 km. Demostrando trabou di ekipo, resistencia, y determinacion, e ekiponan di Aruba Bank a logra completa e recorido exitosamente den e evento prestigioso aki.

            Bank Bros Relay a mustra coordinacion excepcional, caminda nan a dividi e distancia strategicamente pa asina logra un final fuerte, mientras Chinitas DUO a demostra perseverancia y un bunita trabou di ekipo durante cada paso di e ruta.

            Aruba Banj ta sumamente orguyoso di nan ekiponan pa nan dedicacion y participacion excepcional. Nan participacion ta refleha nan compromiso pa promove un estilo di bida saludabel y activo.

            Aruba Bank ta felicita tur e participantenan y e organisadornan di Aruba International Half Marathon 2025 pa otro evento exitoso. E banco ta keda comprometi na sostene iniciativa cu ta stimula bienestar, perseverancia, y envolvimento den comunidad.