Aruba awor oficialmente tin un federacion nobo di Judo

Aruba Judo Federation ta un realidad

ORANJESTAD (AAN): E siman aki tabatin un celebracion special, como cu e isla a logra di establece un federacion nobo di Judo di Aruba a traves di e statuntonan cu a ser firma na Notaris Helmeyer.

   Den presencia di Comite Olimpico Arubano (COA), Jose Rodriguez di e Confederacion Panamericana di Judo y Pedro Kolychkine di e federacion Internacional di Judo (IJF), e fundadornan di e federacion nobo yama “Aruba Judo Federation” (AJF) a pone e ultimo firma riba e documento di e statutonan oficial y asina establece e federacion cu awo lo maneha e deporte di Judo na Aruba.

   E fundadornan ta conta cu 3 persona hopi bon conoci den e mundo di Judo y cu tin hopi gana di rebiba de deporte y traha riba un generacion nobo di Judokas. E fundadornan ta Terence Daly, Flavio Faneyte y Fiderd Vis OLY.

   Hunto cu e 6 clubnan cu ta practica e deporte, lo mira pa cuminsa traha na bienester di e deporte di Judo na Aruba. Pabien na e fundadornan y e federacion nobo.