Yen animo riba di dos dia di Aruba Bank Walk+Run na San Nicolas

ORANJESTAD (AAN): Diamars atardi laat a tuma lugar e di dos dia di Aruba Bank Walk+Run, y e biaha aki e rij largo di participante a sali y finaliza na Joe Laveist Sportpark.

   Un total promedio di 2.600 persona tabata riba pia pa asina cana door di distrito di San Nicolas pa asina mantene nan mes den condicion, y alavez observa e di 100 aña di Aruba Bank.

   E animo awe tabata atrobe hopi grandi, y hopi hende na banda pa apoya e participantenan.

   Diaranson e evento di Walk+Run lo ta den distrito di Noord, saliendo y finalizando na Centro di Bario Noord.  Diahuebs tin e gran final na sucursal di Aruba Bank na Camacuri.