Como 800 persona a participa den Half Marathon 2022

ORANJESTAD (AAN): Diadomingo mainta e Mandatario di Deporte tabata presente na Joe Laveist Ballpark na San Nicolas unda cu pa 5:30’or di mainta a duna inicio na e careda.

   Un Half Maraton ‘sold out’ unda un total di 800 participante riba pia a core, di cual 400 individual, 200 dou y 200 relay. E coredonan a sali di Joe Laveist Sport Park y a finalisa na Alahambra Mall.

   ‘Por a mira muchanan, hobennan, adultonan cu a participa ne careda.  Tabata impresionate pa wak e ambiente banda di caminda bo por a sinti e entusiasmo y energia positivo. E publico tabata grita y aplaudi dunando asina sosten y apoyo ne coredonan,’ e Mandatario a expresa.

   Minister Endy Croes ta felicita tur cu a participa ne di 36 edicion di Aruba International Half Marathon. Alavez ta gradici IBISA Aruba, Patrishi Sports, Cuerpo Policial, Brandweer y tur boluntario cu a yuda haci e careda aki uno hopi exitoso! Pabien na tur e ganadonan!