Comite Olimpico a reuni cu Aruba Aquatics Federation y su miembronan nobo di Directiva

ORANJESTAD (AAN): Comite Olimpico Arubano a duna di conoce cu den un reunion hopi positivo y cu hopi entusiasmo,

miembronan di Direccion di Deporte a reuni cu miembronan di e directiva saliente y miembronan di e directiva nobo di Aruba Aquatics Federation (AAF).

            E relacion entre COA y Directiva di e federacionnan deportivo ta hopi importante riba nivel di maneho, pa asina percura cu tur proceso cana debidamente.

            Durante e reunion a haci conoci cu e miembronan di e Directiva nobo, entre otro Sr. Edrick Winterdal cu awor lo ta presidente di e federacion. E directiva nobo aki tin hopi entusiasmo y amplio experiencia den e mundo di natacion, cu lo haci e proceso aki di traspaso uno ameno y corecto.

            E directiva nobo ta conta cu varios profesional den diferente ramo, cual lo crea un red di experticio amplio pa percura pa bon maneho.

            Durante e reunion aki claramente a papia riba e aspectonan tecnico, incluyendo e lista di atletanan potencial cu lo haci e proceso di clasificacion pa weganan Panamericano Junior Asuncion 2025.