Centro di Bario y Deporte Dakota hunto cu SV Dakota a clausura nan prome clinica di futbol  

ORANJESTAD (AAN): Centro di Bario y Deporte Dakota hunto cu SV Dakota a clausura  nan prome clinica di futbol pa desaroyo di hubentud di Aruba den deporte di futbol.

  Mucha y hobennan di diferente edad di SV Dakota por a participa. E tremendo proyecto aki a ser presenta pa Capi Ferdinant Robert, Diederick Luydens, legendario Jonathan Lake y Maricarmen Bikker kende ta stima e deporte futbol y ta kere den e clinica aki pa yuda fortifica, desaroya e talento di e hungador den parti tecnico y inteligencia di wega.

   Despues di presenta esaki na Directiva di Centro di Bario y Deporte Dakota y SV Dakota, a aproba esaki y di biaha a cuminsa prepara coachnan di cada categoria hunto cu e mayornan pa aporta n'e tremendo iniciativa aki.

   E clinica di futbol aki tabata di 28 di Juli te cu 1 di Augustus na Compleho Deportivo Frans Figaroa. Y ta e prome di mas proyecto  educativo pa e hobennan.

  E prome paso den un proyecto Hunto pa Futuro. Legado pa Legado, Dakota su Historia lo Sigi.

  SV Dakota y Centro di Bario Dakota kier a gradici tur miembro y staff y tur coach, mayor, hoben, sponsornan cu a yuda hasi e proyecto aki un realidad.  DIARIO ta felicita e club nan tremendo iniciativa.