ORANJESTAD (AAN): Esaki ta e ekipo di volleyball Synergy, cu ta masculino di A-Klasse
cu ta planea pa haci un viahe pa Hulanda, unda nan tin e chens unico di bay train y competi cu un ekipo Hulandes.
Sinembargo pa haci esaki posibel, tin mester di fondo y pa esaki nan tin confiansa cu comunidad di Aruba lo bay yuda nan cu esaki, y via di e plataforma online di GoFundMe nan ta purba di haci esey localmente.
Synergy Volleyball Aruba ta un team poderoso di atletanan yen pasion, atletanan cu a lanta riba e isla, y tin hopi experiencia riba cancha na Aruba.
Nan meta ta pa dia 12 di Augustus nan viaha pa Hulanda nan train cu e team di Division di Honor aya. Pesey nan ta recaudando fondo pa cubri pasashi, acomodacion, transporte, cuminda, y costonan esencial.
Pa bay na e pagina di GoFundMe di nan, bishita e website aki:
E viahe aki lo wordo sosteni cu fondo cu nan ta haya via donacion, y cu e sacrificio di hungador- y nan famia. Pesey yudansa di comunidad ta crucial.
Cada donacion ta haci un diferencia, y di antemano nan ta gradici comunidad cu ta haci donacion, pa e gran confiansa den nan.
