Centro Deportivo Frans Figaroa ta cede di Copa Don Elias Mansur

Wega ta cuminza awe

ORANJESTAD (AAN): Awe Diahuebs, 21 di Augustus 2025 lo cuminza e torneo di futbol mas popular na Aruba. Porta ta habri 6’or di atardi y pitaso inicial lo ta 7’or di anochi.

   Copa Don Elias Mansur ta ranca sali cu un "Bataya di Gigante" unda Riverplate, e "Muchanan di Pabou" ta topa cu "Soldatnan Tricolor di Solito". E di dos wega diahuebs ta 9or di anochi y ta otro candeloso partido, "E Guerra di Frontera na Savaneta" La Fama vs RCS.

   Pa mañan Diabierna pa 7’or ta un "Gran Clasico" ora e Naranhadanan di Santa Cruz, Estrella baha "todo por todo" pa enfrenta e "fuertisimo" Abejanan di Dakota. Diabierna 9’or ta sigui cu e ekipo "revelashon nobo" y bon reforsa, Sporting vs RCA.

   Diasabra tin tres partido, pa 5or ta Riverplate vs Sporting, sigui pa otro "Guerra di Pariba Brug" La Fama vs Brazil jrs y anochi ta cera cu Master Boys di Primavera contra nan bisinja sv Dakota.

   Diadomingo ta dicidi e "recta semi final" RCS vs Brazil jrs y Estrella vs Master Boys. Entrada ta solamente 5 Florin, y prijs di 2 Florin pa muchanan te cu 12 aña. Saca bo Bandera, Tambora, E Jersey, dal bo Cap y yega CDFF pa apoya bo ekipo favorito. Ambiente lo ta Candela!