Braves a gana prome wega di temporada 1-0 contra Scorpions

ORANJESTAD(AAN): Temporada di Double A baseball a cuminza den fin di siman.

E prome wega tabata un duelo di pitcher entre Braves y Scorpions, cu a caba cu un victoria di Braves di 1-0.

Tanto Daniree Tromp di Braves como tambe e pitcher di Scorpions a haci un tremendo trabao riba monticulo y a mantene e wega 0-0.

Tabata te den bom di e di 7 inning cu Braves a logra anota e careda ganador, riba un hit di primera base Jomark Flanegin.

Como cu time limit a yega, e wega a termina den e di 7 inning.

Jose Baez (1-1)  y Michell Alvarez (2-1) tabata e mihor bateadornan pa Braves cu tabata tin 4 hit, mientras cu Mark James (3-3), Christopher Blijden (3-1) y Joshua Barendrecht (3-1) tabata e mihor bateadornan pa Scorpions, cu tabata tin 6 hit.