Futbolista Mitchell Laclé rumbo pa sigui studia na Merca

ORANJESTAD (AAN):  Diabierna anochi durante un ceremonia chikito na RCA Arena, e Tricolornan di Solito a tuma despedida di nan volante.

   Su coach Rafael ‘Rafa’ Vanegas a entrega dos recuerdo, y a hiba palabra enfocando riba e tempo cu nan tabatin Mitchell hungando pa diferente division. 

   Pero toch Rafa semper ta keda enfatiza cerca su hungadornan, cu “Scol ta Prome”, y esey a bira un conocido dicho di dje.

   Mitchell ta pertenece na Seleccion di Futbol U20 di Aruba tambe y a participa na diferente competencia internacional.

   Na Melbourne, Florida, Mitchell lo sigui direccion di Mechanical Engineering, cu meta pa bay den Aerospace Engineering, y sigui su pasion pa futbol.