Esaki ta e scolnan cu a pasa pa final durante Futbol Escolar di IBiSA

ORANJESTAD (AAN):  IBiSA a cuminsa e weganan di clasificacion di Futbol Escolar dia 28 di april y ta termina awe diabierna 7 di mei un total di 8 scol pabou di brug y 6 scol pariba di brug a participa durante weganan programa.

E weganan escolar ta pa mucha homber di categoria C (naci aña 2003 y mas hoben).

            IBiSA ta felicita y ta anuncia cu Maria College, International School, Filomena College y St. Augustinus College ta e scolnan cu a pasa pa fina unda nan ta bay hunga pa Campion, Sub Campion, 3 y di 4 lugar.

            IBiSA ta confirma cu e final ta bay tuma lugar dia 7 di mei na e Veld di Estrella pa 3’or di atardi y e ta bay ta en vivo via e FB di IBiSA.

            IBiSA ta manda un pabien na tur scol cu a participa durante e clasificacion como tambe pabien na tur studiante pa duna lo maximo durante wega di Futbol Escolar 2020-2021.