Braves a dal Rockets 11-2

ORANJESTAD(AAN): Diasabra den Joe Laveist Ballpark a tuma lugar e wega di Double-A entre Braves y Rockets y apesar cu Rockets a anota e prome careda, Braves na final a gana e partido facilmente cu e score di 11-2.

Rockets den e wega a comete 2 error y a bati 7 careda, mientras cu Braves  bati 13 hit.

Pitcher ganador tabata Angelo Webb, kende a releva Dwayne Chirino, mientras cu pitcher perdedor tabata Oslin Berghok.

Mihor bateadornan pa Rockets tabata Danilo Croes 4-3, Derickson Lampe 1-1 y Giovanny Geerman 1-1.

Pa Braves e mihor bateadornan tabata Samir Webb 3-3, Giovanni Lane 2-2, Daniree Tromp 1-1 y Jose Baez 1-1.

Mester bisa cu e fanaticonan di baseball tin palabranan di elogio tambe pa e transmision di e weganan riba Facebook di parti di Guia Deportivo cu ta haci esaki den cadena tambe cu Radio Aruba na 91.5, manteniendo baseball di Aruba bibo.

Esnan cu no por tey presente na e stadionnan ta disfruta di e transmision y e comentarionan di Milton Croes, Jonathan Tromp, Amador Oduber, Luis Oduber y Alex Falconi.

Guia Deportivo ta bay ta na veld di Pos Chiquito awe y Diaranzon pa e weganan di Inter League pa 5’or di atardi.