Diaranson seleccion di Aruba lo enfrenta team di Cayman Islands

ORANJESTAD (AAN): Riba Diasabra cu a pasa, Aruba su seleccion nacional a biaha pa Bradenton, Florida pa hunga dos wega eliminatorio di Campeonato Mundial di Futbol Qatar 2022.

   Diaranson awor 2 di juni, e seleccion nacional lo enfrenta e ekipo di Cayman Islands pa 6or di atardi den IMG Academy Soccer Stadium na Bradenton.  Diasabra 5 di juni nan lo hunga contra di e ekipo di Canada pa 8’or di anochi den e mesun stadion.

   Arubaanse Voetbal Bond a haci su maximo esfuerso y a busca 10 hungadonan residencia na Hulanda y Venezuela pa bin reforza e seleccion nacional.  E diez hungadonan ta Fernando Lewis, Darryl Bally, Noah Harms, Diederick Luydens, Marlon Pereira, Jonathan Richard, Joshua John, Javier Jimenez, Terence Groothusen y Glenbert Croes.

   AVB ta orguyoso di nos seleccion nacional y nos ta sigur boso lo representa nos dushi di isla di Aruba dignamente durante ambos weganan. Nan ta convenci cu e esfuerzo y dedicacion di tur e hungadonan y e staf tecnico lo duna un bon resultado den ambos wega.