Veterano Rudy Angels a yuda Red Machine blankea Braves

ORANJESTAD(AAN): Diadomingo den Joe Laveist Ballpark e wega di Double-A entre Braves y Red Machine no a bay mas leu cu 7 inning.

E prome inningnan ainda Braves a wanta Red Machine, pero na dado momento e wega a sali for di man y Red Machine a gana cu un score di 10-0.

E 5 errornan di Braves sigur no a yuda.

Mirando cu den di 7 inning Braves no a anota, e wega a caba den un knockout.

Pitcher ganador veterano Rudolf Angela a haci un tremendo trabao riba monticulo pa mantene Braves na apenas 4 hit.

Pitcher perdedor a resulta di ta Edward Villanueva.

Mihor bateadornan pa Red Machine tabata Daniel Fernandez 3-2, Mac Aimsy Louis 2-1 y Luis Pelayo 4-1.

Pa Braves mihor bateadornan tabata Jose Baez 2-1, Giovanni Lane 2-1, Daniree Tromp 3-1 y Jomark Flanegin 3-1.