Atletanan di Special Olympics Aruba a participa na torneo pa celebra 75 aña di Centro di Bario Dakota

ORANJESTAD (AAN): Digicel ta sigui sostene atletanan di Special Olympics y e biaha aki tabata den participacion di un torneo cu a tuma lugar na Centro di Bario Dakota, pa celebra 75 aña di SV Dakota.

Special Olympics Aruba a keda representa pa empleado- y boluntarionan di SOA y Digicel. Durante di e wega amistoso di Bolas Crioyas, a duna un homenaje na 2 atleta special cu a gana medaya di oro den USA Games cu a tuma lugar na Orlando den luna di juni ultimo.

Segun Lizzi Arendsz, Marketing Executive di Digicel, e muchanan tabata sumamente anima y tabata contento di por a celebra e 19 aniversario di Digicel Aruba tambe durante di e torneo.

“Special Olympics Aruba por sigui conta cu e sosten di Digicel, manera nos a bin ta hasi semper- ya pa 19 aña consecutivo. Asina por menciona cu Digicel ta compaña e atletanan riba nan trayekto di preparacion y entrenamiento pa e weganan Olympico na 2023. Nos ta encurasha comunidat di Aruba pa sostene e atletanan special y duna nan animo pa e weganan benidero. Un comunidad cu ta inclusivo ta permiti e muchanan special desaroya nan capacidad y talentonan di manera cu nan tambe por contribui na Aruba.” Por mira atras na un actividad exitoso di cual Digicel ta hopi orguyoso di por a forma parti di dje.