Aruba a bira cas di e di cuater FIFA Talent Academy di mundo y e prome den Caribe

Un logro historico pa Futbol Arubiano!

ORANJESTAD (AAN):  Historia a wordo skirbi! Aruba a bira cas di e di cuater FIFA Talent Academy di mundo y e prome den Caribe!

Bao di e skema di desaroyo di talento di FIFA y Arsène Wenger (TDS), e programa di FIFA Talent Coach a traha hunto cu AVB Academy pa desaroya e talento mas prometedor di Aruba, elevando nan na nivel internacional.

            Despues di luna di trahamento den colaboracion entre FIFA y Arubaanse Voetbal Bond (AVB),  ta orguyoso pa celebra esaki como un acontecimento importante pa futbol di Aruba. Pa e motibo aki, lo tin un evento special pa reconoce e compromiso di Aruba na desaroyo di talento di elite.