Apertura di Curso pa referee ‘MA Course’ a tuma lugar

Monique Ras di AVB cu informacion:

ORANJESTAD (AAN): Na double Down Sportsbar & Grill, na Eagle, a tuma lugar e curso pa referee yama “MA Course” organiza door di Aruba Voetbal Bond (AVB) bao auspicio di FIFA.

   Monique Ras, di Aruba Voetbal Bond, den entrevista cu DIARIO a elabora tocante e apertura di nan Seminario “MA Course” (Member Association Referees Course).

   E seminario a cuminza Diasabra, y ta na encargo di señores Javier Santos y Rohan Thobourne, cu ta instructor di FIFA.

   “Nos tin cuater dia di seminario tocante e reglanan nobo, y tur tools cu AVB por haya pa e refereenan por haci un miho trabao riba veld, y pa aplica e reglanan manera nan ta”, Monique Ras a duna di conoce. Nos tin invitadonan di Curacao y Bonaire, pa nan pasa door di MAR Course, y nos ta desea nan un bon bini”, Ras a menciona.

Esaki ta algo di tur aña prome cu e campeonato start den e caso aki Bonaire, Curacao y Aruba. E aña aki a cay na Aruba, pero rond mundo  nan ta haci MAR Course. “Net bon cu e aña aki a cay na Aruba, pasobra nan ta bin cu tur e cambionan y tools cu tin pa aña 2024-2025”, Monique Ras a agrega.

El a comenta tambe cu esaki ta e prome biaha cu Bonaire ta bin y e di dos biaha cu Curacao ta presente.