ORANJESTAD (AAN): Tabata Diabierna atardi cu cantidad di atleta y deportista a reuni na Centro Deportivo Frans Figaroa na Shaba,
pa asina participa oficialmente na e comienzo di Olimpiada 2024 di Aruba Sport Unie.
E asina yama ASU Olimpiada 2024 aki a cuminza cu defile di 20 Federacion cu ta participando den e competencianan aki cu lo tuma lugar na diferente cancha deportivo riba e isla.
Himno di Aruba a wordo canta pa Edward van der Biezen, y a sigui despues cu cendemento di antorcha na encargo di atleta Amika Every. Tambe tabatin un show di baile, y despues a sigui cu wega di futbol di RCA vs. Nacional, pa division U15.
Un palabra di pabien na e directiva nobo di ASU, cu a demostra di por a prepara un apertura hopi bunita y impresionante.
https://diario.aw/categories/noticia/deporte/esaki-tabata-un-bunita-y-impresionante-apertura-di-asu-olimpiada-2024#sigProIdaf5d226141
