ORANJESTAD (AAN): Na December 2022 a tuma luga e evento PanAm Aquatics Virtual Junior Open Water Championships were held.
Cada miembro di PanAm a hasi e evento na nan respectivo pais y despues PanAm a colecta e resultadonan.
Aruba tambe a participa na e evento aki cu varios atleta. E evento mes a tuma luga aña pasa dia 13 di December 2022 na Piscina Olimpico Roly Bisslik.
E atleta hoben di Aruba Dolphins Enzo Croes a sa di logra un di 3er luga na e Virtual Junior Open water den categoria di 1 km, 9-10 aña.
Enzo Croes a participa aña pasa na e competencia international na Santo Domingo, NACO. Eynan Enzo a logra varios medaya y tambe keda na di 3er lugaR overall den su categoría.
Esaki sigur ta un logro grandi pa Aruba mirando cu otro paisnan cu tambe a participa tabata entre otro Bahamas, Chile Jamaica.
Aruba Dolphins ta orguyoso cu un bes mas un di su atletanan ta destaca internacionalmente. E biaha aki un atleta masha hoben mes. Pero cu esaki Aruba Dolphins ta mustra cu dedication pa bo deporte y bon guia ta posibel pa logra bo metanan.
Masha pabien cu e logro aki Enzo Croes.
