Cifranan di Covid: 28 caso nobo diadomingo - ORANJESTAD (AAN): Cifranan di Covid-19 den fin di siman a refleha e siguiente situacion.
Segun resumen di diadomingo, 32 persona a recupera y un total di 28 caso nobo di COVID-19 a keda registra di cual 8 ta no-residente.
E cifranan aki ta representa un 'Positivity rate' bou di residentenan di 19%.
E cantidad di casonan activo di COVID-19 ta 269 y cantidad di fayecidonan relaciona cu COVID-19 ta 158.
Datonan ta ilustra casonan nobo di COVID cu un average semanal di 24 caso pa dia y un averahe di 'positivity rate' semanal di 11% pa dia.
Actualmente na Aruba tin 22 persona interna debi na COVID di cual den ICU tin 7 persona, riba piso general tin 13 persona y na Colombia tin actualmente 23 persona den Cuido Intensivo.
DIASABRA
Pa loke ta Diasabra, 33 persona a recupera y un total di 19 caso nobo di COVID-19 a keda registra di cual 3 ta no-residente.
E cantidad di casonan activo di COVID-19 tabata 273 y cantidad di fayecidonan relaciona cu COVID-19 a aumenta na 158.
