Yudansa rapido pa boto cu a yena cu awa

ORANJESTAD (AAN): Diahuebs den oranan di anochi, autoridadnan a ricibi un alerta concerniente un boto

cu tabata enfrentando un problema na haltura di Arashi. Segun informacionnan inicial, tabata trata di e boto local di piscado Virgen del Valle cu matricula A576, cu tabata den proceso ta sink mientras cu tabatin hende abordo.

   Ora cu e autoridadnan a yega na e lugar, nan a topa e boto casi na canto y tabata yenando cu awa. E personanan cu tabata riba e boto a logra kita e motor y saca tur cos for di dje pa preveni mas daño.

   Segun declaracionnan ricibi na e sitio, no ta conoci si e boto a dal contra algun obstaculo den laman, cu por a causa e situacion. Tampoco a wordo confirma si un takelwagen a wordo uza pa ranca e boto y pone na tera.