KPA a bishita nos grandinan di Club Kibrahacha 60+

ORANJESTAD (AAN): Cuerpo Policial Aruba tin su agenda diario di mantene nos comunidad sigur, tambe nos tin nos agenda social pa hunto nos por ta mas serca di nos comunidad.

Bao di e tema di  “ Cuerpo Policial ta di nos tur” nos di KPA ta di un manera of otro kier keda cu e conexion sostenibel cu nos comunidad.  No obstante e parti preventivo of represivo pero cu cu enfoke riba actividad social y na gruponan special.

Den cuadro di esaki altocomisario Ramon Arnhem y Hefe di Polis di Bario Inocencio Matos tabata presente na e actividad semanal na Club Kibrahacha 60+. Bandi di un encuentro ameno y cu hopi storianan di antes, e parti primordial tabata pa laga nos adulto mayor sa cu Cuerpo Policila ta aprecia y ta honranan.

“Boso ta e fundeshi di nos sociedad, boso a traha pa loke nos tin awe. Nos agradecido y nos tey pa boso mescos boso ta tabata tey pa nos.” tabata palabranan di altocomisario Arnhem na e ocasion special aki.

Hunto a comparti diferente storia, chiste pero un momento di gratitud. Cuerpo Policial Aruba lo sigui enfoca pa sigui mantene e contacto y keda cerca di nos comunidad.