Presidente di Sindicato SPA hopi satisfecho cu trabao di Alto Comisario den Cuerpo Policial

ORANJESTAD (AAN): Den cuadro di e celebracion di Siman di Polis, Rodney Solognier, Presidente di Sindicato di Polis (SPA),

el a indica cu nan ta wak e dianan aki hopi bon. A bisa cu tin algun proceso cu ta canando basta bon.

            Sinembargo, a indica, cu tin un par di proceso cu ainda nan ta riba dje pa wak si ta logra bay bon cu nan pa asina ey e miembronan por ta contento y pa nan por duna un miho servicio na Aruba.

            Solognier a agrega cu a pesar cu tin hopi desaroyo andando, pa loke ta e instalacion di camaranan, e no ta mucho envolvi, ni SPA. "Mi ta kere cu e contesta ey mi lo keda debe bo te ora cu mi mes bay check un ke otro, anto wak con e situacion ey di e camaranan ta progresando", a bisa.

            A señala cu unico cos cu locual nan ta basta satisfecho ta cu tin un alto comisario cu ta wak e bienestar di Cuerpo Policial. Cu ta haciendo su best pa por bay mehora e sistema cual tin hopi tempo ta den un 'downgrading system'.

            Rodney Solognier a expresa cu aworaki nan no ta na halto ainda pasobra falta hopi cos pa cambia y tur cos no por wordo cambia den un dia. "Pero ban spera cu e caminda di subi lo sigui subi y nos por yega na e punto cu nos por ta un top KPA pa duna un top service tambe na e pueblo di Aruba", a bisa.