Polisnan di Aruba ta bon prepara pa Semana Santa

A ricibi curso di prome auxulio di Cruz Cora Aruba

ORANJESTAD (AAN):  Recientemente un grupo di Polis a sigui un curso intensivo di di First Aid, CPR, AED y Water Rescue. E curso aki ta pa repasa y siña locual ta trata e tema di brinda e prome auxilio na un ciudadano of un turista. Tur esaki den cuadro di preparacion pa campamento y actividad rond di semana santa na lama.

   E curso a worde duna door di Cruz Cora Aruba. Cuerpo Policial Aruba tin un tremendo laso di cooperacion cu otro y ta e motibo aki mes Cruz Cora Aruba a organiza un “Crashcourse” riba e temanan menciona.

   Total 26 agente Policial di diferente departamento cu tin haber cu lama of lo bay traha durante semana santa a participa na e curso. Alavez 16 voluntario di Cruz Cora Aruba tambe a participa cu Polis y asina a forma un tremendo equipo cu a traha hunto cu otro pa train e prome auxilio.

   Tanto Polis y Cruz Cora Aruba lo bay traha hunto cu otro den e temporada di semana santa pa asina por brinda e vigilancia y seguridad na e campadornan y tur esnan cuta bay haci uzo di nos lamanan rond di Aruba.

   Polisnan ta gradici Señora Marla Dominguez coordinador di educacion y training di Cruz Cora Aruba, instructornan Rignald Tromp y Dionisio Richardson di Cruz Cora Aruba. Na final di dia cada participante lo ricibi nan certificado oficial.

  Por conta riba e sosten di Polis y Cruz Cora Aruba trahando hunto durante semana santa cla pa yuda bo y duna bo e prome auxilio den un forma tactico y profesional.